بعد عملية بحث عن اماكن يديدة نروحلها و نجربها قررنا ان نروح مكان اتعلم فيه الرماية و اصير نقوشية .. بعد عملية البحث و التدوير لقينا مكان قريب علينا و توكلنا على الله و رحنا
المكان صغير و اول ما دشينا شفنا المسدسات مسدحين بجميع الانواع و الاحجام مع ملحقاتهم
بعد ما قرينا القوانين و وقعنا على التعهد ان احنا بكامل قوانا العقلية و فاهمين شنو قاعد نسوي الموظف عطانا التعليمات عن شلون نوقف و نمسك السدس عدل عشان ما نتعور ... الموضوع طلع وايد لوية ... اهو اختارلنا المسدد قياس ٢٢ ملمتر .. عشان لما انا ارمي فيه ما يلزقني بالطوفة
و عطانا الرصاص .. هني ويهي قط الوان لآني طول المدة حسبالي الموضوع مو رصاص صجي .. و كنت بهون لوما ان شيف ز معاي جان كشت فيهم و رحت
بعد المحاضرة المصغرة خذينا عدتنا و رحنا ميدان الرمي
وقفنا....انا ركبت الهدف و شيف ز قام يعشق المسدس
عقبها انطلقنا ... الموضوع يونس و ما توقعت اني اعرف ارمي عدل و النتيجة كانت
انا رميت الهدف اللي تحت و شيف ز كانت له المنطقة اللي فوق
و من قوانين المكان ان عقب ما نخلص لازم انظف المكان من بقايا الرصاص المتناثر و تطه بالمكان المخصص
بعدها مشينا .. تقييمي للتجربة : ممتعة جدا و ممكن اكررها
No comments:
Post a Comment